أحاديث ضعيفة مشهورة وبدائلها الصحيحة ( 8 )

من طرف أرجو رحمة ربي الجمعة أغسطس 03, 2012 9:47 pm

أخبار الصيام ورمضان معاكم إيه ؟
كل سنة وإنتم طيبين
بما إننا في رمضان مش معقولة منتكلمش عن الأحاديث الخاصة برمضان
تعرفي إن في أحاديث كتيرة كلنا عارفينها وبنسمعها دايما وهي أحاديث ضعيفة؟

مش مصدقاني؟

طيب خدي عندك يا ست الكل

عندنا حديث ((شهر رمضان أوله رحمه و أوسطه مغفرة و آخره عتق من النار))
الراوي: أبو هريرة المحدث: الألباني - المصدر: السلسلة الضعيفة - الصفحة أو الرقم: 1569
خلاصة حكم المحدث: منكر

وحديث ((صوموا تصحوا))
الراوي: أبو هريرة المحدث: الألباني - المصدر: السلسلة الضعيفة - الصفحة أو الرقم: 253
خلاصة حكم المحدث: ضعيف

و حديث ((من أفطر يوما من رمضان من غير عذر ولا مرض لم يقضه صوم الدهر وإن صامه))
الراوي: أبو هريرة المحدث: الألباني - المصدر: ضعيف الترغيب - الصفحة أو الرقم: 605
خلاصة حكم المحدث: ضعيف

وحديث (( لو يعلم العباد ما رمضان ، لتمنت أمتي أن يكون السنة كلها . فقال رجل من خزاعة : يا نبي الله ، حدثنا ...................... ))
الراوي: رجل من غفار يقال له ابن مسعود المحدث: ابن حجر العسقلاني - المصدر: إتحاف المهرة - الصفحة أو الرقم: 16/669
خلاصة حكم المحدث: [فيه] جرير بن أيوب واه جدا، قال فيه البخاري: (منكر الحديث)، وهو جرح شديد منه

و حديث((شهر رمضان معلَّق بين السماء والأرض، ولا يرفع إلى الله إلا بزكاة الفطر.))
الراوي: أنس بن مالك المحدث: الألباني - المصدر: السلسلة الضعيفة - الصفحة أو الرقم: 43
خلاصة حكم المحدث: ضعيف

و حديث ((أتاكم رمضان، شهر بركة، يغشاكم الله فيه، فينزل الرحمة، ويحط الخطايا ويستجيب فيه الدعاء، وينظر الله تعالى إلى تنافسكم فيه، ويباهي بكم ملائكته، فأروا الله من أنفسكم خيرا، فإن الشقي من حرم فيه رحمة الله عز وجل))
الراوي: عبادة بن الصامت المحدث: الألباني - المصدر: ضعيف الترغيب - الصفحة أو الرقم: 592
خلاصة حكم المحدث: موضوع

وفي غيرها بس كفاية كده

بس هل معنى كده إن مفيش فضل لشهر رمضان ؟

طبعا لأه في أحاديث كتيرة جدا صحيحة في فضل شهر رمضان

زي مثلا:

" من صام رمضان إيمانا واحتسابا غفر له ما تقدم من ذنبه ، ومن قام ليلة القدر إيمانا واحتسابا غفر له ما تقدم من ذنبه "
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 2014
خلاصة حكم المحدث: [صحيح]

وحديث

" إذا دخل شهر رمضان فتحت أبواب السماء ، وغلقت أبواب جهنم ، وسلسلت الشياطين " .
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 1899
خلاصة حكم المحدث: [صحيح]

وحديث

" كل عمل ابن آدم يضاعف الحسنة عشرة أمثالها إلى سبعمائة ضعف . قال الله عز وجل : إلا الصوم . فإنه لي وأنا أجزي به . يدع شهوته وطعامه من أجلي . للصائم فرحتان : فرحة عند فطره ، وفرحة عند لقاء ربه . ولخلوف فيه أطيب عند الله من ريح المسك " .
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 1151
خلاصة حكم المحدث: صحيح

وحديث
" كان النبي صلى الله عليه وسلم إذا دخل العشر شد مئزره ، وأحيا ليله ، وأيقظ أهله " .
الراوي: عائشة المحدث: البخاري - المصدر: صحيح البخاري - الصفحة أو الرقم: 2024
خلاصة حكم المحدث: [صحيح]

ولسه غيرها كتييييييييييييييييييييييييييير

شوفتوا نعمة ربنا علينا كبيره إزاي إنه جعل لينا موسم للطاعات والمغفرة وزيادة الحسنات ؟

ورغم كده كتير مننا بيقضيه قدام المسلسلات والتلفزيون وسبحان الله مش بنلاقي القهاوي مليانه على آخرها كده إلا في شهر رمضان

افتكري كام واحدة كانت بينا السنة اللي فاتت وملحقتش رمضان ده
حد فينا ضامن يعيش لرمضان اللي جاي؟
طيب بلاش دي حد فينا ضامن يكمل رمضان ده ولا حتى يعيش لبكره؟
يبقى ليه نضيع الفرصة دي ؟
اوعي يعدي عليكي رمضان من غير ما يغفر ليكي
يقول صلى الله عليه وسلم:
" رغم أنف رجل ذكرت عنده ، فلم يصل علي ، ورغم أنف رجل دخل عليه رمضان ، ثم انسلخ قبل أن يغفر له ، ورغم أنف رجل أدرك عنده أبواه الكبر ، فلم يدخلاه الجنة " .
الراوي: أبو هريرة المحدث: الألباني - المصدر: صحيح الترغيب - الصفحة أو الرقم: 1680
خلاصة حكم المحدث: حسن صحيح

عارفين يعني إيه رغم انف ؟
يعني لصق أنفه بالتراب كناية عن حصول الذل

اوعي يكون شهر رمضان زي أي شهر من شهور السنة
ولا يكون شهر مختلف بس في كتر الجلوس قدام التلفزيون أو الوقوف في المطبخ

لأه
خليه شهر العبادة والطاعة

ربنا يتقبل منا الصيام والصلاة والقيام وتلاوة القرآن