أحاديث ضعيفة مشهورة وبدائلها الصحيحة ( 1 )

من طرف أرجو رحمة ربي الأحد يوليو 22, 2012 2:14 pm

الحلقة الأولى:

كل سنة وانتوا طيبين
رمضان كريم عليكم
بما ان بكرة إن شاء الله اول يوم صيام

هنتكلم عن حديث ضعيف كلنا حافظينه وبنردده دايما
ومحدش يتخض لما يعرف إنه ضعيف

" نحن قوم لا نأكل حتى نجوع، وإذا أكلنا لا نشبع "
الراوي: - المحدث: الألباني - المصدر: السلسلة الصحيحة - الصفحة أو الرقم: 7/1651
خلاصة حكم المحدث: لا أصل له

زمان ناس بتقول هيه هناكل براحتنا بقى من غير حساب

استنوا استنوا
عندنا أحاديث أخرى صحيحة بتدعونا لعدم الإسراف في الطعام والشراب

فقد قال صلى الله عليه وسلم : " ما ملأ آدمي وعاءا شرا من بطن , بحسب ابن آدم أكلات يقمن صلبه , فإن كان لا محالة فثلث لطعامه وثلث لشرابه وثلث لنفسه "
الراوي: المقدام بن معد يكرب المحدث: الألباني - المصدر: صحيح الترغيب - الصفحة أو الرقم: 2135
خلاصة حكم المحدث: صحيح

شوفتوا نقسم المعده 3 أقسام ثلث للطعام وثلث للشراب وثلث للنفس
مش زي ما بنعمل ونخلي المعدة كلها للأكل والمريء للشرب والبلعوم للنفس

وده مش حرمان من الأكل لكن حفاظ على الصحة وتنشيط للبدن

بنملى المعدة على آخرها أكل و نرجع نعيط ونقول تخنا وعايزين نخس ونقول مش قادرين ناخد نفسنا وعايزين ننام ومش عارفين نعمل حاجة ولا قادرين نقوم نعبد ربنا من كتر التخمة

ماهو طبعا بعد كل اللي بناكله كويس قوي لو قدرنا نتقلب على السرير

لو عايزين يصح جسمنا ويقل نومنا ونتنشط نطبق كلام الرسول صلى الله عليه وسلم و نقلل من أكلنا

وبدل ما إحنا عايشين بشعار وجع البطن ولا كب الطبيخ
نعمل زي ما قال لقمان لابنه :

"يا بني، لا تأكل شيئاً على شبع، فإنك إن تتركه للكلب، خير لك من أن تأكله"

لكن ليه نتركه للكلب أو نرميه زي ما كتير مننا بيعمل

ليه منديهوش لحد فقير أو جاره عارفه إنها محتاجه وتاخدي أجر إنك أكلتيه
وافتكري الحديث ده دايما
" ما آمن بي من بات شبعانا وجاره جائع إلى جنبه وهو يعلم "
الراوي: أنس بن مالك المحدث: الألباني - المصدر: صحيح الترغيب - الصفحة أو الرقم: 2561
خلاصة حكم المحدث: صحيح لغيره

خلو بالكم من النقطة دي الله يكرمكم مش معقوله نرمي الأكل بالشكل ده وفي غيرنا يتمنوا لقمة حاف

أو حتى تهديه لجارتك ومتستقليش اللي هتديه ليها
" يا نساء المسلمات ، لا تحقرن جارة لجارتها ولو فرسن شاة "
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6017
خلاصة حكم المحدث: [صحيح]

أشوفكم بكره بإذن الله

من طرف احمد حازم الخميس يناير 15, 2015 5:16 pm

جزاك الله خيرا sunny

أحاديث ضعيفة مشهورة وبدائلها الصحيحة ( 1 )

أحاديث ضعيفة مشهورة وبدائلها الصحيحة ( 1 )

رد: أحاديث ضعيفة مشهورة وبدائلها الصحيحة ( 1 )