تعالوا شوفو صورتي قبل الحجاب وبعده

من طرف أرجو رحمة ربي الأحد أغسطس 08, 2010 2:22 pm

تعالو شوفوا صورتي قبل الحجاب وبعده

إضغط هنا لرؤية الصورة بحجمها الطبيعي.

تعالوا شوفو صورتي قبل الحجاب وبعده Dr8mz7h4miqn

متهيألي الصورة أبلغ من أي كلام

الحجاب بالإضافة لأنه فرض بالإجماع هو علامة مميزة للمسلمة فأنا بحجابي بقول أنا أهو مسلمة معتزة بديني وعلى قد التزامي بحجابي على قد افتخاري واعتزازي بالانتساب للإسلام يعني بالله عليكم يسوى إيه وأنا ماشية وشايفة واحدة مش محجبة مش عارفة هي مسلمة ولا لأه.

يكفي إن شكيت في انتسابها للإسلام. لو عندك جوهرة ثمينة حتحطيها في أي مكان مكشوفة ولا هتحافظي عليها في خزنة أو مكان أمين ؟ هو انتي أقل من الجوهرة دي حافظي على نفسك بالحجاب ، ولو كان فيه محلين لللأكل جنب بعض واحد كاشف الأكل معرض للذباب والتراب والتاني مغطي الأكل بتاعه وبيحميه من التلوث هتشتري من عند مين ؟ ليه ما تحافظيش على نفسك من النار وغضب ربنا أولا ثم من مريضي النفوس ثانيا ليه بتعتبري نفسك أقل من الأكل المكشوف اللي تعافه النفوس؟

والحجاب مش معناه إني أغطي شعري وبس ده ليه شروط لازم تكون فيه
- أن يكون ساترا للجسد كله ما عدا الوجه والكفين على خلاف فيهم
"يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً"

- أن يكون سميكا لايصف الجسم أي غير شفاف يقول صلى الله عليه وسلم " سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات"

- أن يكون فضفاضا غير ضيق يعني واسع مش ماشيين في الشارع لابسين عباية لازقة على الجسم وكل تفاصيله باينة ده مش حجاب عن أسامة بن زيد رضي الله عنه قال: كساني رسول الله صلى الله عليه وسلم قبطية كثيفة مما أهداها له دحية الكلبي فكسوتها امرأتي فقال لي رسول الله صلى الله عليه وسلم: "ما لك لم تلبس القبطية قلت يا رسول الله كسوتها امرأتي فقال رسول الله صلى الله عليه وسلم فلتجعل تحتها غلالة فإني أخاف أن تصف حجم عظامها"

- أن لا يكون زينة في نفسه يعني مش لابسة واسع لكن لون لبسها فاقع وكله خرز وترتر وبيلمع مش قصدي تمشي مبهدلة لكن مش ملفته قال تعالى " ولا يبدين زينتهن " وقوله صلى الله عليه وسلم " ثلاثة لا تسأل عنهم : رجل فارق الجماعة وعصى إمامه ومات عاصيا ، وأمة أو عبد أبق فمات ، وامرأة غاب عنها زوجها قد كفاها مؤونة الدنيا فتبرجت بعده فلا تسأل عنهم"

- أن لا يكون فيه تشبه بالرجال قال أبو هريرة لعن رسول الله صلى الله عليه وسلم الرجل يلبس لبسة المرأة والمرأة تلبس لبسة الرجل "

- أن لا يشبه لباس الكافرات

-أن لا يكون مبخرا مطيبا قال صلى الله عليه وسلم " أيما امرأة استعطرت فمرت على قوم ليجدوا ريحها فهي زانية"

-أن لا يكون لباس شهرة

-أن تكون الطرحة أو الخمار مغطي للصدر والنحر أي الرقبة ويشترط فيها ما يشترط في اللبس يعني طرحة كبيرة مش شفافة وليست زينة في نفسها يعني ما ينفعش طرحة صغيرة وهاي كول ده مش حجاب متضحكيش علينا ولا على نفسك
وبعدين كتير مننا بيتساهل في تغطية القدمين ولبس شراب مع إن تغطية القدمين متفق عليها .

هل حققت في لبسك هذه الشروط ؟ ده الواحد بيشوف في الشارع مهازل ، تلاقي واحدة لابسة نقاب وحطة منكير أو لابسة ضيق أو ومش مغطية رجلها أو مخلية النقاب ملفت بطريقة لبسه أو الزينة فيه وفي طرحتها
والبنطلون الضيق والبلوزة القصيرة مش حجاب والطرحة القصيرة مش حجاب
تخيلي الرسول صلى الله عليه وسلم قابلك في الشارع فجأة هل هتوقفي فخورة وتقول شفت يا رسول الله أه أنا مسلمة مخالفتش أمرك ولا هتجري تستخبي من كسوفك منه ،تقول عائشة رضي الله عنها " رحم الله نساء الأنصار لما نزلت آية الحجاب شققن مروطهن فاختمرن بها" دول حتى مستنوش يخروجوا يشتروا حاجة يتحجبوا بيها قطعوا من الهدوم اللي في البيت علشان ما يخالفوش الأمر، للدرجة دي أمر الله ورسوله هين علينا ؟

إذا كنت بتعملي كده وبتعاندي أمر ربنا علشان تظهري جمالك فواهب الجمال قادر على أن يسلبه منك في لحظة وساعتها مش هينفع الندم .

أنا حاولت أختصر في الأدلة علشان ما أطولشي عليكم أكتر من كده لكن أدلة الحجاب كتيرة جدا والكلام فيه مش ممكن يخلص .

تعرفى الرسول صلى الله عليه وسلم وصف المتبرجة بإيه ؟

إنتى زعلانة الوقتى والا مش زعلانة ؟! زعلانة ولا لأ ؟! يا جماعة التبرج ده مش معصية ! التبرج ده جريمة ، الإفساد اللى إنتى عملتيه للشباب و البنات ! و خدى بالك لو إنتى بإيشارب بس عاملة كل اللى إنتى عاملاه فى نفسك مش هتبقى اللى يبصلك بنص سيئة ! إنما كاشفة شعرك بسيئة زيك زيها مادام بقيتى فتنة ، ما دام فتنتى الشباب زيك زيها !

طب حكم رسول الله صلى الله عليه وسلم فيكى إيه ؟ بصوا الكلام ده بالذات ، مش كلامى أنا عايزة أقولكم حكم رسول الله صلى الله عليه وسلم فى المتبرجة إيه ؟!!! و إنتى قيسى على نفسك
الرسول صلى الله عليه وسلم يصف المتبرجة:
1. بأنها من أهل النار ، و أنها لا تقرب الجنة بل لا تجد ريحها
2. بأنها ملعونة مطرودة من رحمة الله
3. بأنها زانية ولايقبل منها صلاة
4. بأنها منافقة و أنها من شر هذه الأمة
5. بأنها من صاحبات الكبائر التى تعادل الزنا والسرقة و القتل
6. بأنها من جنود الشيطان

عمرك شوفتى ذنب الرسول صلى الله عليه وسلم بيعظم قدره لهذه الدرجة ؟! عمرك شوفتيها ؟! يبقى إعرفى الذنب ده خطورته أد إيه ؟ الكلام ده أنت جيبتوا منين ؟! جيبتوا من رسول الله صلى الله عليه وسلم ، قال رسول الله صلى الله عليه و سلم "صنفان من أهل النار لم أرهما ، قوم معهم سياط كأذناب البقر يضربون بها الناس،ونساء كاسيات عاريات مميلات مائلات ، رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها لتوجد من مسيرة كذا وكذا"رواه مسلم

ده الرسول صلى الله عليه وسلم اللى قال كدة ، و الرسول حطك صلى الله عليه وسلم مع الظلمة اللى بيضربوا الناس بالكرابيج ، ليه ؟ لأن الأتنين إجرام ، والإتنين هدم فى الأمة ، ما هما زمان لما حاربوا الأمة بالمدافع والقنابل رجعوا قالوا : الناس دى مينفعش معاها الكلام ده ، الناس دى عايزة كأس ...غانية ! طب الغانية دى هنجيبها منين ؟ مينفعش نستورد غوانى ! يبقى الحل إن إنتى اللى تبقى غانية !

طب العفيفة الطاهرة حفيدة عائشة وخديجة تبقى غانية إزاى ؟ بسيطة أول مرة نكشفلها وش فلانة الفلانية فى ثورة سنة كذا ، و بعد كدة كشف الوش يبقى عادى ! بعد كدة ننزلها مجلات الأزياء تبقى أزياء طويلة و بعد كدة تفضل تقصر تقصر تقصر ! و بعد كدة تبدأ تظهر مجلات فاضحة هذا فستان يكشف مفاتن الظهر ، و هذا فستان يكشف مفاتن مش عارف إيه !

يا جماعة على سنة 1940 كان المجتمع المصرى نسائه منهارة ! أشد من التبرج الموجود الوقتى ، و نفعت المرأة المسلمة إنها تبقى الغانية اللى يهدم بيها الدين ! ترضى إنك تبقى قنبلة تنفجر فى كبد الدين ؟!! ترضى إنك تبقى سكينة يطعن بيها قلب الدين ؟! أديكى رضيتى ! و أديكى وافقتى ! وأديكى سكتى !

ترضى تكونى ملعونة ...ترضى تطردى من رحمة ربنا ؟

بعد كدة يا جماعة قال رسول الله صلى الله عليه وسلم "يكون في آخر أمتي رجال يركبون على سروج كأشباه الرحال ، ينزلون على أبواب المساجد ، نساؤهم كاسيات عاريات ، على رؤوسهن كأسنمة البخت العجاف ، العنوهن فإنهن ملعونات" حسن الرسول صلى الله عليه وسلم بيتنبأ بالسيارات اللى بيركبها الرجال "ينزلون على أبواب المساجد" تلاقى العربيات واقفة على باب المساجد ، والراجل نازل يصلى فى المسجد و بنته ومراته فى البيت شكلهم إيه ! "نساؤهم كاسيات عاريات ، على رؤوسهن كأسنمة البخت العجاف ، العنوهن فإنهن ملعونات" العنوهن فإنهن ملعونات ! ترضى إن الرسول صلى الله عليه وسلم يقول عليكى كدة ، دى اللعنة دى طرد من رحمة الله تطردى من رحمة الله سبحانه وتعالى

المتبرجة زانــية طب إزاى ؟ !!

قال رسول الله صلى الله عليه وسلم :"أيما امرأة استعطرت ، فمرت على قوم ليجدوا ريحها فهي زانية ، وكل عين زانية" صححه الألبانى البرفان ده تبرج ، و المكياج تبرج ، و الأوصة تبرج ، أى حاجة بتظهر زينة المرأة تبرج ، والإختلاط تبرج

"قوم ليجدوا ريحها فهي زانية" و قال رسول الله صلى الله عليه وسلم "لا يقبل الله من امرأة صلاة خرجت إلى المسجد وريحها تعصف حتى ترجع فتغتسل" ..."وريحها تعصف" يعنى البرفان بتاعها ، برفان عاصف ، برفان صارخ

الرسول صلى الله عليه وسلم سمى المتبرجة منافقـة !!!

قال رسول الله صلى الله عليه وسلم : "شر نسائكم المتبرجات المتخيلات ، و هن المنافقات لا يدخل الجنة منهن إلا مثل الغراب الأعصم" صحيح

لما أميمة بنت رقيقة جت تبايع النبى صلى الله عليه وسلم بايعها على إيه ؟ قال لها :"أبايعك على أن لا تشركي بالله شيئا "مافيش كفر "ولا تسرقي ، ولا تزني ، ولا تقتلي ولدك ، ولا تأتي ببهتان تفترينه بين يديك ورجليك ، ولا تنوحي" اسمع و إسمعى يا أختى "ولا تتبرجي تبرج الجاهلية الأولى" حسن مافيش تبرج يعنى عشان بس نحط إيديك فى إيد الإسلام كدة تبقى على عهد مع دين ربنا مافيش تبرج ده رقم واحد فى الدين ، و حط عدم التبرج مع عدم السرقة و عدم الزنا وعدم القتل ...الكبائر يا جماعة ...كل ده كبائر

ده مش حجاب أبدا

تخيل الرسول صلى الله عليه وسلم لما شاف واحد بيصلى ، فالصلاة بتاعته سريعة وحشة قالوا "ارجع فصلى فإنك لم تصل" صححه الألبانى لو رسول الله شافك الوقتى أول حاجة مش هايبيعك مش هيرضى يبايعك ، تانى حاجة ارجعى فتحجبى فإنكى لم تتحجبى !

حتة الإيشارب ده مش حجاب فإنكى لم تتحجبى ، زى الراجل اللى بيصلى بس ناقص ، أهوا ده حجاب بس حجاب نار ! يعنى يا جماعة الكلام ده لمين ؟ اللى ماشية خارجة من عند الكوافير ... اللى ضاربة شعرها فى الخلاط قبل ما تخرج متبرجة ، و اللى كاشفة شعرها و عاملاه مش عارف إيه على ، و لابسة بادى واسترتش و كعب متبرجة ، و اللى لابسة إيشارب بس لابسة جيبة بيبان نص رجليها لو قعدت و لابسة كعب معرفش 9 سم و لا 11 سم و برفان عاصف ومكياج عاصف كل ده تبقى برضه متبرجة

عداد سيئاتك شغااااال ...احذرى !!!
إنتوا عارفين التبرج ده يا جماعة كام عداد شغال فيه ؟!!! إنتى عارفة كام عداد سيئات شغال و إنتى ماشية ؟!!! عداد النظر الحرام ليكى آدى واحد ! الواقفة أدام المرايا آدى اتنين ! عداد المكياج آدى تلاتة ! عداد البرفان أربعة ! عداد النمص : قال رسول الله صلى الله عليه وسلم "لعن الله النامصة و المتنمصة" صحيح خامسة ! عداد إفساد الشباب ، و إفساد البنات الصغيرين آدى ستة ، ست عداد ات على الأقل شغالة سيئات وإنتى ماشية !!!

عايزين نقول دلوقتى للأخوات مستنية إيه ؟! مستنية عقوبة ربنا فى الدنيا ، و الا مستنية عقوبة ربنا فى النار ، والا مستنية عذاب القبر ؟! و الا مستنية أهوال القيامة ؟!