همسات الأوابين
أهلاً ومرحباً بك زائراً عزيـزا للمنتدى
ونرحب بآرائك ومشاركــــــــــــاتك
سجـــل هنا لمشاهدة كافة الموضوعـــات

الحلقة الثانية من يوميات زهرة ، كل سنة وإنتم طيبين

استعرض الموضوع السابق استعرض الموضوع التالي اذهب الى الأسفل

الحلقة الثانية من يوميات زهرة ، كل سنة وإنتم طيبين

مُساهمة من طرف MaNo4a في الإثنين أغسطس 01, 2011 11:36 am

التعريف ببطلة القصة

سارة بنت شقية أوي بتحب اللعب والتنطيط بس ده ما ينطبقش على حالنا دلوقتي، لأننا في رمضان ولازم نحب العبادة ونقرأ القرآن ، صح ؟

الشخصيات

سارة
بطلة القصة... وعندها 13 سنة يعني داخلة 6 إبتدائي

سناء
أخت سارة الصغيرة وعندها 7 سنوات

سمية
أم سارة وسناء

سامح
أبو سارة وسناء

بعد ما عرفنا شخصيات القصة هبدأ معاكم الحلقة الـ...... وأتمنى تعجبكوا

سمية راحت تصحي أولادها عشان يتسحروا

سمية: يا سامح، يا سارة، يا سناء، احصوا يلا عشان تتسحروا

سامح وسناء قاموا وغسلوا وشهم، أما سارة

سارة: حاضر يا ماما

بس ما عملاتش إلي قالت عليه لأمها، بالعكس دي راحت في نوم عميق جدا لدرجة إن الـ3 ( سامح وسمية وسناء ) قعدوا يصحوها و برضه ما صحيتش
يعملوا إيه بقي ؟
قاموا سابوها بس كانوا زعلانين أوي أوي لأنها ما إتسحرتش

والصبح... صحيت سارة أخيرا بعد عناء طويل جدا جدا

سارة: صباح الخير

سمية: صباح النور يا سارة

سارة: إيه ده ؟ إحنا الصبح ؟ انتم اتسحرتم ولا إيه ؟ هي الساعة كام دلوقتي ؟ أنا هموت من الجوع

سمية : أيوة الصبح ، واتسحرنا ، وقعدنا نصحيكي ما صحيتيش نعمل إيه ؟

سامح : السلام عليكم ورحمة الله وبركاته ، صباح الخير يا أولاد

سمية : وعليكم السلام ورحمة الله وبركاته

سارة وسناء : صباح النور يا بابا

سامح : اذيك يا سارة ، أخيرا صحيتى ، ده إحنا غلبنا على ما صحيناكي إمبارح

سارة: للدرجة دي حرام ، الساعة لسة 12


وفضلت تعيط من كتر الجوع مش عارفة تعمل إيه
قامت من ورا مامتها وباباها راحت عند الثلاجة
لاقيت إيه بقي ، أكل يكفي 100 لذيذ أوي

جاتوهات على بسبوسات على عصاير على ………………. الخ
ما قدرتش تستحمل ، قامت واخدة حتة بسبوسة ، وهي عارفة إنها صايمة يعني مش ناسية

وبعدين راحت تلعب

والساعة 6 ونص يعني قبل المغرب بنص ساعة كده ولا حاجة
لما لاقت باباها سامح بيقول

سامح : يلا يا ولاد إجهزوا ، لسة نص ساعة والمغرب يأذن بس ممكن أكتر

سمية وسناء :حاضر

حست بالذنب لأنها فطرت الصبح ومش قادرة تعترف لباباها ومامتها

وساعة لما الأذان أذن وجت تأكل باباها قال :

سامح : يلا يا سارة يا حبيبتي كلي ، ده مامتك النهاردة عاملة حاجات جميلة أوي النهاردة

سارة: لا مش عايزة شكرا

سمية : إيه يا بنتي ده انتي من الصبح كنتي هتموتي من الجوع إيه حصل ؟ إوعي تكوني أكلتي حاجة

عينيها دمعت وجريت على أوضتها وقفلت عليها

بعدين خرجت وراحت وقالت

سارة: أنا آسفة ، أنا الصبح ما قدرتش أستحمل الجوع فأكلت حتة بسبوسة من التلاجة أنا آسفة ، سامحوني أرجوكم

سمية وسامح : يعني هو ينفع كده ؟

سارة: أنا آسفة

سامح : إمبارح قعنا نصحيكي ما صحيتيش ، لو كنتي صحيتي ما كان حصل حاجة

سارة: عشان خاطري سامحوني بجد كنت تعبانة

سمية : خلاص سماح المرة دي ، بس بكرة عايزين نشاط مش كسل ذي امبارح

سارة: حاضر ، أوعدكم

ودي يوميات العائلة السعيدة
أشوفكم بقي الحلقة الجاية
السلام عليكم ورحمة الله وبركاته
avatar
MaNo4a
مـــســـاعد مــديــر

عدد المساهمات : 186
نقاط : 309
تاريخ التسجيل : 16/07/2010
العمر : 16

الرجوع الى أعلى الصفحة اذهب الى الأسفل

رد: الحلقة الثانية من يوميات زهرة ، كل سنة وإنتم طيبين

مُساهمة من طرف احمد حازم في الأحد نوفمبر 23, 2014 11:06 am

I love you sunny flower جزاك الله خيرا sunny flower I love you

(التــــــــــــــوقيـــــع )
avatar
احمد حازم
عضو ماسى
عضو ماسى

الأوسمة :



عدد المساهمات : 850
نقاط : 872
تاريخ التسجيل : 14/05/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى