همسات الأوابين
أهلاً ومرحباً بك زائراً عزيـزا للمنتدى
ونرحب بآرائك ومشاركــــــــــــاتك
سجـــل هنا لمشاهدة كافة الموضوعـــات

الحلقة الأولي من يوميات زهرة ، كل سنة وإنتم طيبين

استعرض الموضوع السابق استعرض الموضوع التالي اذهب الى الأسفل

الحلقة الأولي من يوميات زهرة ، كل سنة وإنتم طيبين

مُساهمة من طرف MaNo4a في الإثنين أغسطس 01, 2011 11:03 am

أهلا وسهلا بيكم يا قمرات
كل سنة وانتم طيبين
رمضان جانا
يلا أسيبكم مع الحلقة
بس الاول عايزة أنبهكم لحاجة
فيه أسئلة على الحلقة
فركزوا كويس
إتفضلوا


التعريف ببطلة القصة :

سماح بنت جميلة أوي
عندها 10 سنوات
بتحب عائلتها ومدرستها

الشخصيات:

سماح
عندها 10 سنوات و داخلة خامسة ابتدائي

إخلاص
أختها الكبيرة وعندها 20 سنة

سما
أم سماح وإخلاص


حاتم
أبوا سماح وإخلاص

بعد ما خلصنا التعريف بالشخصيات نبدأ ……… حلقة و يارب تعجبكوا

سماح: السلام عليكم، صباح الخير يا ماما يا حبيبتي
سما: وعليكم السلام، صباح النور يا روح قلبي
سماح: الحمد لله، مش حاسة بأي جوع
سما: الحمد لله، تعرفي ليه ؟
سماح: ليه يا ماما
سما: عشان أنتي إتسحرتي فول، والفول بيفضل فترة طويلة في البطن ومش هيحسسك بالجوع من الصبح
سماح: الله... طيب يا ماما ممكن كل يوم نأكل فول ؟
سما: حاضر، بس لازم ننوع يا سماح من ألأكل
سماح: ماشي، أنا هروح أصحي إخلاص
سما: طيب يا حبيبتي ربنا يكرمك
سماح: يا إخلاص .. اصحي يا حبيبتي .. الساعة 9 .. يلا بلاش كسل
إخلاص : معلشي يا سماح سيبيني شوية .. أنا بعد ما إتسحرت إنبارح نمت متأخر
سماح : طيب يا حبيبتي ، بس نامي شوية صغيرة عشان تصحي تقرأي معايا قرأن ونصلي ركعتين كده ولا حاجة .. ده إحنا في رمضان
إخلاص : حاضر

وقامت سماح تقرأ سورة الكهف ، مش النهاردة الجمعة بقي
أصل إخلاص صحيت الساعة 11 ، فقالت مش هتضيع عليها الوقت ده كله وقعدت تقرأ قرآن

سما: إيه ده يا إخلاص ، كل ده نوم ؟
إخلاص : ليه هي الساعة كام ؟
سما: الساعة 11
إخلاص : 11!!! ، ده أنا ما حستش بحاجة خالص
أنا آسفة بجد أصل أنا بعد ما إتسحرت إنبارح معرفتش أنام لحد ما نمت متأخر
سما: طيب ،بس انتي كده ضيعتي وقت من اليوم في النوم ، بس مادام صحيتي يلا روحي أقعدي مع أختك وإقرأي قرآن أو صلي ركعتين كده لله يلا
إخلاص : طيب يا ماما ، أنا هصلي ركعتين وبعدين أقرأ الأذكار وأروح أقعد جنب سماح أحفظ قرآن
سما: طيب يا حبيبتي ربنا يبارك فيكي

قامت إخلاص وصلت ركعتين و بعدين قرأت الأذكار وقعدت جنب سماح وقرأت سورة البقرة

إخلاص : السلام عليكم يا سماح
سماح: وعليكم السلام يا إخلاص
إخلاص : أنا جيت آه يا قمر ، معلشي أتأخرت عليكي
سماح: طيب ،خلاص مش مشكلة الحمد لله ، بس يلا تعالي معايا
إخلاص : حاضر
سما: يا بنات
إخلاص و سماح قالوا في نفس واحد : نعم يا ماما
سما: تعلوا نضفوا معايا الشقة ، أصلي تعبانة قوي
إخلاص و سماح قالوا مع بعض :مالك يا ماما فيه إيه سلامتك
سما: الله يسلمكم يا حبايبي ، بس أنا إمبارح إشتغلت كتير أوي في الشقة فظهري واجعني
إخلاص و سماح قالوا مع بعض :سلامتك يا ماما يا حبيبتي ، إحنا هننضف لك البيت كله و هنخليه جديد خالص
سما: هههههههههههه ربنا يكرمكم يا حبايبي
إخلاص و سماح قالوا مع بعض :الله يخليكي

بعده ...... إخلاص وسماح قاموا ينضفوا الشقة ، وكانوا فعلا عند كلامهم ، خلو الشقة كأنها لسة إيجار جديد

سما: إيه ده ...؟؟ما شاء الله عليكم ، ده الشقة نورت ، ده أنا حتى مش بنضف التنضيف ده ، جزاكم الله خيرا يا أولاد

إخلاص و سماح قالوا مع بعض :الله يكرمك يا ماما

بس طبعا بعد الشغل ده كله أكيد تعبوا وهلكوا دول نضفو من الساعة 11:10 لغاية 12:55
حرام

بس بعيها رجع حاتم أبوهم من شغله بدري ، مش هما في رمضان بقي ، فالشغل قليل
لاقاهم نايمين ، مش نايمين بس .. دول نايمين في العسل
ههههههههه

حاتم : إيه الحلاوة دي ؟ الشقة نضيفة أوي وهما نايمين في العسل
ههههههههههههههه

وإستني لغاية ما أذن الظهر وصلاه وكمان صلي ركعتين وقعد يقرأ قرآن

حاتم : يا سما ، يا إخلاص ، يا سماح ... اصحوا يلا

قاموا وكانوا هيموتوا من الجوع ، فقعدوا يقرأوا قرآن لحد ما ناموا وهما يقرأوا فيه
وصحيوا ساعة المغرب لما أذن بالظبط ، ساعة لما قال المؤذن : الله أكبر
شفتم ؟

قاموا نطوا من الفرحة ، كانوا هيكسروا السقف
ههههههههه
وقعدوا يأكلوا وهما مبسوطين أوي

ودي يوميات العائلة السعيدة
أشوفكم بقي الحلقة الجاية
السلام عليكم ورحمة الله وبركاته
avatar
MaNo4a
مـــســـاعد مــديــر

عدد المساهمات : 186
نقاط : 309
تاريخ التسجيل : 16/07/2010
العمر : 16

الرجوع الى أعلى الصفحة اذهب الى الأسفل

رد: الحلقة الأولي من يوميات زهرة ، كل سنة وإنتم طيبين

مُساهمة من طرف احمد حازم في الأحد نوفمبر 23, 2014 11:07 am

I love you sunny flower جزاك الله خيرا sunny flower I love you

(التــــــــــــــوقيـــــع )
avatar
احمد حازم
عضو ماسى
عضو ماسى

الأوسمة :



عدد المساهمات : 850
نقاط : 872
تاريخ التسجيل : 14/05/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى